अमरावती : १० जानेवारी – अमरावती जिल्ह्यातील परतवाडा बसस्थानक परिसरातील एका बसला आज अज्ञात माथेफिरूने पळवून नेण्याचा प्रयत्न केला आहे. मात्र, या माथेफिरुचा प्रयत्न अयशस्वी झाल्याने पुढील अनर्थ टळला आहे. मात्र, या घटनेत दोन दुचाकी व एका सायकलस्वाराला या माथेफिरूला धडक दिली. हारदे नगर येथील एका झाडालाच ती बस आदळल्याने हा माथेफिरू बस पुढे अमरावतीच्या दिशेने नेऊ शकला नाही. अन्यथा एखादी मोठी दुर्घटना किंवा प्रचंड जीवित हानीसुद्धा होऊ शकली असती .
परतवाडा बसस्थानक परिसरामध्ये उभी असणारी एम.पी. ४८ पी.९९८८ क्रमांकाची बस बसस्थानक परिसरामध्येच उभी होती. मात्र बसमध्ये कोणीही चालक नसल्याची संधी साधून एक माथेफिरू या बसमध्ये शिरला. माथेफिरु बसला अमरावतीच्या दिशेने पळवू लागला. बस सुरळीत चालवता येत नसल्याने रस्त्याच्यामध्ये येणाऱ्या दुचाकी व एका सायकलस्वारास ही या माथेफिरूने उडविले.
मात्र, ही बस हारदे नगरजवळ एका झाडावर आदळली. मात्र तेवढ्यावरही हा माथेफिरू न थांबता बसमधून उतरून अमरनाथच्या दिशेने पळाला. नागरिकांनी पाठलाग करून या माथेफिरुला पकडले व पोलिसांच्या स्वाधीन केले आहे. बसस्थानक ते हर्षनगर हा जवळपास अर्धा किलोमीटरचा अंतर या माथेफिरूने पार केले होते. मात्र या दरम्यान सुदैवाने कोणतीही जीवितहानी झाली नाही. मात्र या घटनेने पुन्हा एकदा पुणे बस घटनेची पुनरावृत्ती झाली असती कारण आज सोमवारचा दिवस होता आणि ज्या परिसरातून ही बस निघाली त्या मार्गावर प्रचंड नागरिकांची ये जा असते. तसंच, विदर्भ मिल परिसरामध्ये मोठ्या प्रमाणामध्ये शाळकरी विद्यार्थी व किरकोळ व्यावसायिकांची तोबा गर्दी असते त्यामुळे मोठी अनुचित घटना आज टळली आहे.
