राजा भिकारी ….. !
राजे ? कोण राजे ? कुठले राजे ?
लोकशाहीत कोणी राजे बिजे नसतात ,
तरीही काही लोक स्वतःला अजूनही राजे समजतात !
बर , तुम्ही स्वतःला राजे म्हणवता ना
तर राजासारखे वागा ना !
महाराजांनी औरंगजेबाला आरक्षण मागितले नव्हते !
स्वकर्तृत्वावर स्वराज्य निर्माण केले होते !
राजे स्वाभिमानी असतात
स्वबळावर शून्यातून साम्राज्य निर्माण करण्याची धमक बाळगतात!
आणि हे तर आपल्या प्रजेला लाचारी आणि भिकमागेपणा शिकवतात !
राजे आपल्या जातीचाच विचार करत नसतात ,
ते सर्व प्रजेचे ,जातीधर्माचे असतात ।
शेकडो वर्षांपासून आणि आजही सत्तेची सर्व सूत्रे, सर्व संस्था आणि सत्तास्थानांवर दबदबा असताना
अशी भिकारडी वृत्ती कां ?
अशाने तुमची अवस्था पत्त्यातल्या राजासारखी होणार नाही का ?
कवी - अनिल शेंडे .